انٹر سروسز پبلک ریلیشنز (آئی ایس پی آر) کے مطابق کالات کے قریب دہشت گردوں کی چیک پوسٹ بنانے کی کوشش ناکام بنا دی گئی، 23 مغوی بازیاب ہوئے اور 6 دہشت گرد مارے گئے۔
انٹر سروسز پبلک ریلیشنز (آئی ایس پی آر) کے مطابق سیکیورٹی فورسز نے 18 اور 19 ستمبر کی درمیانی شب کالات کے قریب چمن-کراچی N-25 شاہراہ پر دہشت گردوں کی جانب سے چیک پوسٹ قائم کرنے کی کوشش ناکام بنائی۔
آئی ایس پی آر کا کہنا ہے کہ کارروائی کے دوران 23 مغوی بازیاب کرائے گئے، جبکہ 6 دہشت گرد مارے گئے۔ بیان کے مطابق دہشت گرد لوٹ مار، بھتہ خوری اور گاڑیاں چھیننے کے لیے چیک پوسٹ قائم کرنا چاہتے تھے۔
رپورٹ کے مطابق دہشت گردوں کے ٹھکانے سے 6 ٹرک، 3 بسیں اور 2 کاریں بھی برآمد ہوئیں، جب کہ علاقے میں کلیئرنس/سینیٹائزیشن آپریشن جاری ہے۔
