ترکی کی بوتلنگ پارٹنر کوکا کولا آئی چیک (سی سی آٗی) نے کہا ہے کہ دوسری سہ ماہی 2026 میں پاکستان میں یونٹ کیسز کی فروخت 17 فیصد سال بہ سال بڑھی، جس کے بعد پاکستان کمپنی کے بین الاقوامی آپریشنز میں نمو کا سب سے مضبوط محرک بن گیا۔ کمپنی نے دوسری سہ ماہی میں مجموعی حجم اور آمدنی کے اعداد بھی جاری کیے۔
کوکا کولا آئی چیک
(سی سی آئی)
نے رپورٹ کیا ہے کہ 2026ء کی دوسری سہ ماہی میں اس کا کنسولیڈیٹڈ سیلز والیوم 9.8 فیصد اضافے کے ساتھ 519 ملین یونٹ کیس ہو گیا۔ کمپنی نے واضح کیا کہ پاکستان میں 17 فیصد سالانہ نمو مارکیٹ میں بہتر مسابقتی مقام، موثر کمرشل عملدرآمد اور کامیاب پروڈکٹ لانچز کی بدولت ممکن ہوئی۔رپورٹ میں کہا گیا ہے کہ پاکستان کمپنی کے بڑے بازاروں میں سب سے زیادہ حصہ ڈالا، اس کے بعد ازبکستان میں والیوم 21.1 فیصد اور قازقستان میں 12.7 فیصد اضافہ درج ہوا۔ عراق بھی جاری جغرافیائی تناؤ کے باوجود 1.1 فیصد ترقی کے ساتھ نمو کی جانب لوٹ آیا۔
مالی طور پر سی سی آئی نے دوسری سہ ماہی میں خالص سیلز ریونیو TL 67.2 ارب رپورٹ کی، جو پچھلے سال کے مقابلے میں 5.7 فیصد زیادہ ہے۔ رپورٹ میں کہا گیا ہے کہ افراطِ زر کے حسابات کے اثرات خارج کر کے ریونیو 40.7 فیصد اضافہ دکھاتے ہوئے TL 69.2 ارب رہا، جس میں منظم قیمت بندی، بہتر پروڈکٹ مکس اور ریونیو مینجمنٹ کا کردار رہا۔
کمپنی کی کنسولیڈیٹڈ گراس مارجن میں بھی بہتری دیکھی گئی، جسے لاگت کنٹرول اور آپریشنل افادیتوں سے تقویت ملی۔ کمپنی نے کہا ہے کہ اس نے اپنی کوالٹی گروتھ اسٹریٹیجی پر کام جاری رکھا ہوا ہے جس نے والیوم گروتھ کو پی اینڈ ایل میں قدر میں تبدیل کیا اور مضبوط کیش جنریشن حاصل کی۔
سی سی آئی وہ برانڈز، ڈسٹری بیوشن اور روٹ ٹو مارکٹ صلاحیتوں میں سرمایہ کاری جاری رکھے گا جبکہ مشروب کی کھپت بڑھانے اور معقول قیمت برقرار رکھنے پر توجہ دی جائے گی۔
کوکا کولا آئی چیک ترکی، قازقستان، عراق، ازبکستان، بنگلہ دیش، آذربائیجان، کرغزستان، اردن، تاجکستان، ترکمنستان اور شام سمیت متعدد مارکیٹس میں کام کرتی ہے، اس کے پاس 36 بوتلنگ پلانٹس ہیں، 10 ہزار سے زائد ملازمین ہیں اور یہ 600 ملین سے زائد آبادی کو سروس فراہم کرتی ہے۔
