پاکستان انسٹی ٹیوٹ آف ڈیولپمنٹ اکنامکس (پی آئی ڈی ای) نے وزارت منصوبہ بندی، ترقی اور خصوصی اقدامات کے تحت سینٹر آف ایکسیلنس برائے سی پیک کے لیے نوکریوں کا اعلان کیا ہے۔ کل پانچ اسامیاں پی ایس ڈی پی پراجیکٹ کے تحت دستیاب ہیں؛ امیدوار آن لائن پی آئی ڈی ای کیریئر پورٹل یا نیشنل جاب پورٹل کے ذریعے 31 اگست 2026 تک درخواست دے سکتے ہیں۔
اسلام آباد (مانیٹرنگ ڈیسک) پی آئی ڈی ای نے سی پیک کے سینٹر آف ایکسیلینس کے تحت مجموعی طور پر پانچ اسامیوں کے لیے اشتہار جاری کیا ہے جو وزارت منصوبہ بندی، ترقی اور خصوصی اقدامات کے تحت چلنے والے پی ایس ڈی پی پراجیکٹ کے جزو ہیں۔ کل آسامیاں پالیسی ریسرچ اور انتظامی شعبوں کے لیے مختص کی گئی ہیں۔
اہم خالی اسامیوں میں ہیڈ آف پالیسی فار ریجنل کنیکٹویٹی اینڈ انٹیگریشن، اور ہیڈ آف پالیسی فارسوشیو اکنامک ڈویلپمنٹ شامل ہیں؛ دونوں عہدے پی پی ایس۔10 اور 11 کے تحت ہیں اور ان کے لیے زیادہ سے زیادہ عمر کی حد 50 سال مقرر کی گئی ہے۔
ایک پوزیشن ریسرچ ایسوسی ایٹ کے لیے دستیاب ہے جو پی پی ایس۔سات اور آٹھ کے تحت ہے؛ اس عہدے کے لیے زیادہ سے زیادہ عمر 35 سال ہے۔ مزید برآں ایک ایڈمن اور ہیومن ریسورس (ایچ آر) افسر کی اسامی پی پی ایس۔سات اور آٹھ کے تحت ہے جس کی زیادہ سے زیادہ عمر 40 سال مقرر ہے جبکہ ایک اسٹنٹ ایڈمن اور ایچ آر کی پی پی ایس۔پانچ اور چھ کی آسامی ہے جس کی زیادہ سے زیادہ عمر 30 سال سال ہے۔
پیڈ آف پالیسی کی اسامیوں کے لیے امیدواران کے پاس ایچ ای سی سے تسلیم شدہ یونیورسٹی سے متعلقہ اعلیٰ تعلیم کے اسناد ہونی چاہئیں اور متعلقہ پیشہ ورانہ و تحقیقی تجربہ ضروری ہوگا۔ ریسرچ ایسوسی ایٹ کے امیدواروں کے لیے متعلقہ ماسٹرز یا ایم فِل یا مساوی تعلیمی قابلیت لازمی ہے جبکہ تحقیقی تجربے کو ترجیح دی جائے گی۔ ایڈمن اور ایچ آر افسر کے لیے بزن ایڈمنسٹریشن یا پبلک ایڈمنسٹریشن جیسے متعلقہ مضامین میں قابلیت کے ساتھ متعلقہ پیشہ ورانہ تجربہ درکار ہوگا۔
دلچسپی رکھنے والے امیدوار پی آئی ڈی ای کیریئر پورٹل یا نیشنل جاب پورٹل کے ذریعے آن لائن درخواستیں جمع کرا سکتے ہیں۔ پی آئی ڈی ای نے درخواست دینے سے قبل اہلیت کے معیار اور مطلوبہ دستاویزات کو اچھی طرح چیک کرنے کی ہدایت کی ہے۔ آخری تاریخ برائے درخواست 31 اگست 2026 ہے۔
اشتہار میں مزید کہا گیا ہے کہ یہ تقرریاں پی ایس ڈی پی کے تحت ہوں گی اور امیدواران کو متعلقہ تقرری شرائط کے مطابق دستاویزات فراہم کرنی ہوں گی۔
