یونیورسٹی آف انجینئرنگ اینڈ ٹیکنالوجی (یو ای ٹی) لاہور نے 31 اگست 2026$ تک درخواستیں وصول کرنے کے لیے مین کیمپس لاہور اور کلا شاہ کاکو، فیصل آباد، نارووال اور آر سی ای ٹی گوجرانوالہ میں کئی تدریسی اور دیگر آسامیوں کا اعلان کیا ہے؛ اہل امیدواروں کے لیے پنجاب ڈومیسائل ضروری ہے اور ہارٹی کلچرِسٹ کے لیے زیادہ سے زیادہ ماہانہ اجرت 157,500 روپے بتائی گئی ہے۔
یو ای ٹی لاہور نے پروفیسرز، ایسوسی ایٹ پروفیسرز، اسسٹنٹ پروفیسرز، لیکچررز، ٹیچنگ فیلوز اور ایک ہارٹی کلچرِسٹ کی آسامیوں کا اعلان کیا ہے۔ پروفیسر کی آسامیوں میں مائننگ انجینئرنگ اور کمپیوٹر سائنس شامل ہیں۔
ایسوسی ایٹ پروفیسرز کی آسامیاں آرکیٹیکچر، کیمیکل انجینئرنگ، کمپیوٹر سائنس، الیکٹریکل انجینئرنگ، ریاضی، مکینیکل انجینئرنگ، فزکس اور دیگر شعبہ جات کے لیے جاری کی گئی ہیں۔
اسسٹنٹ پروفیسرز کی آسامیاں کمپیوٹر سائنس، کمپیوٹر انجینئرنگ، ڈیٹا سائنس، اے آئی، مشین لرننگ، سائبر سیکیورٹی، بائیومیڈیکل انجینئرنگ اور سٹی اینڈ ریجنل پلاننگ سمیت متعدد شعبوں میں دستیاب ہیں۔
لیکچررز کی آسامیوں میں انفارمیشن ٹیکنالوجی، بزنس ایڈمنسٹریشن، ماحولیات (اینوائرن مینٹل انجینئرنگ)، جیالوجیکل انجینئرنگ، کمپیوٹر انجینئرنگ، کمپیوٹر سائنس اور اے آئی سے متعلقہ شعبے شامل ہیں۔
ٹیچنگ فیلوز کی تقرریاں بزنس اینڈ انفارمیشن ٹیکنالوجی، کمپیوٹر سائنس، انگلش، ریاضی، کمیونیکیشن اسکلز، فزکس اور فوڈ سائنس اینڈ ٹیکنالوجی کے شعبہ جات کے لیے درکار ہیں۔ منتخب ہونے والے ٹیچنگ فیلوز کو ماہانہ اسٹائپینڈ 75,000 روپے دیا جائے گا۔
نارووال کیمپس کے لیے ایک ہارٹی کلچرِسٹ کی ایک آسامی بھی مخصوص کی گئی ہے جس کی عمر کی حد 21 تا 45 سال رکھی گئی ہے اور اس پوسٹ کی ماہانہ تنخواہ ایک لاکھ 57 ہزار پانچ سو روپے مقرر ہے۔
اہلیت: فیکلٹی امیدواران کے لیے ہائر ایجوکیشن کمیشن (ایچ ای سی) کے طے شدہ معیار پورے کرنا ضروری ہیں۔ انجینئرنگ شعبہ جات کے امیدواران کو پاکستان انجینئرنگ کونسل (پی ای سی) کی باقاعدہ رجسٹریشن درکار ہوگی۔ ٹیچنگ فیلو امیدواران کے لیے متعلقہ مضمون میں 18 سالہ ماسٹرز یا ایم فل ڈگری اور مطلوبہ تعلیمی کارکردگی کے معیار پورے کرنا لازمی ہے۔
درخواست کا طریقہ کار: امیدوار پہلے یو ای ٹی لاہور کے آن لائن جاب پورٹل کے ذریعے درخواست مکمل کریں گے، پاسپورٹ سائز تصویر اپلوڈ کریں، درخواست پر پرنٹ لے کر دستخط کریں اور پرنٹ شدہ درخواست کے ساتھ 2,000 روپے کا پوسٹل آرڈر یا بینک ڈپازٹ سلپ، اور دیگر مطلوبہ دستاویزات منسلک کریں۔ ٹیچنگ فیلو کی درخواستیں متعلقہ شعبہ یا کیمپس میں پہنچانا ہوں گی جبکہ پروفیسر، ایسوسی ایٹ پروفیسر، اسسٹنٹ پروفیسر، لیکچرر اور ہارٹی کلچرِسٹ کی درخواستیں رجسٹرار آفس، یو ای ٹی لاہور پنچانا ہوں گی۔
