پنجاب پبلک سروس کمیشن (پی پی ایس سی) نے 18 اگست 2026 کو پنجاب کے مختلف محکموں میں متعدد سرکاری عہدوں کے لیے بھرتی کا اعلان کیا ہے۔ یہ بھرتیاں محکمہ زراعت، ٹرانسپورٹ، لائیوسٹاک، تعلیم بورڈز، چیف منسٹرز انسپیکشن ٹیم اور دیگر اداروں کے لیے ہیں؛ امیدوار پی پی ایس سی کی سرکاری ویب سائٹ کے ذریعے آن لائن درخواست دے سکتے ہیں۔
پنجاب پبلک سروس کمیشن نے صوبے کے مختلف محکموں اور اداروں میں اسامیاں جاری کی ہیں جن میں تعلیمی بورڈز، چیف منسٹرز انسپیکشن ٹیم (سی ایم آئی ٹی)، پنجاب فوڈ اتھارٹی، محکمہ زراعت، محکمہ ٹرانسپورٹ، محکمہ لائیوسٹاک اور دیگر شامل ہیں۔
محکمہ زراعت کے واٹر مینجمنٹ وِنگ میں سب سے بڑی بھرتیوں میں سکیل۔17 کی 92 واٹر منیجمنٹ کی اسامیاں شامل ہیں۔ امیدوار کے لیے ضروری تعلیمی قابلیت بی اے اگریکلچر انجینیئرنگ یا چار سالہ پوسٹ انٹرمیڈیٹ کورس کے بعد ٓایگریکلچر میں آنرز رکھی گئی ہے۔ یہ اسامیاں اوپن میرٹ، خواتین، اقلیت اور خصوصی افراد کوٹے پر دستیاب ہیں۔
پنجاب پروونشل ٹرانسپورٹ اتھارٹی نےگریڈ۔ 14 کی 82 ٹرانسپورٹ سب انسپکٹر کی نشستیں بھی ہیں جن کے لیے امیدوار کا کم از کم بی اے سیکنڈ ڈویژن کسی یونیورسٹی سے ضروری ہے۔
صوبے بھر کے لیے گریڈ۔16 کی 34 موٹر موبائل انسپکٹرز کی آسامیوں کا اعلان بھی کیا گیا ہے جن کے لیے امیدوار کا کم از کم ایچ ای سی سے منظور شدہ یونیورسٹی سے کم از کم سیکنڈ ڈویژن میں بی اے قانون کی ڈگری ہونا ضروری ہے۔محکمہ لائیوسٹاک اینڈ ڈیری ڈویلپمنٹ نے سکیل۔17 کی 27 ویٹرنری افسر کی خالی آسامیوں کا اشتہار بھی دیا ہے، امیدواروں کے پاس ڈی وی ایم ڈگری اور پاکستان ویٹرنری میڈیکل کونسل میں رجسٹریشن لازمی ہے۔
پنجاب کے بورڈز آف انٹرمیڈیٹ اینڈ سیکنڈری ایجوکیشن (بی آئی ایس سی) میں بھی متعدد آسامیوں کا اعلان کیا گیا ہے۔ لاہور بورڈ کے لیے سکیل۔16 کے 24، ڈیرہ غازی خان بورڈ میں سکیل۔16 کے پانچ اور فیصل آباد بورڈ کی چند آسامیاں شامل ہیں۔ ہے۔
پنجاب پروونشل ٹرانسپورٹ اتھارٹی کے علاوہ سی ایم آئی ٹی کی درجنوں ’’کانٹریکٹ پوسٹس‘‘ کا بھی اعلان کیا گیا ہے
متعلقہ اسامیوں کے لیے امیدوار مطلوبہ تعلیمی قابلیت اور تجربہ کے مطابق آن لائن درخواست دیں، متعلقہ پوسٹ منتخب کریں، آن لائن فارم مکمل کریں اور مقررہ فیس جمع کروائیں۔ تمام درخواستیں پی پی ایس سی کی سرکاری ویب سائٹ کے ذریعے دی جائیں گی۔
