اسلام آباد (سٹاف رپورٹر) اقوامِ متحدہ (یو این ) کے سیکرٹری جنرل انتونیو گوتریس نیو یارک سے اسلام آباد چار روزہ دورے کے لیے روانہ ہو گئے، وہ یہاں پاکستان کی ثالثی کے کردار اور امریکہ اور ایران کے درمیان مذاکرات کی حمایت کو اُحاگر کرنے سمیت اعلیٰ حکام سے ملاقاتیں کریں گے۔
انتونیو گوترییس حکومتِ پاکستان کی دعوت پر پاکستان آ رہے ہیں، وہ پاکستان کے امریکہ اور ایران کے درمیان مذاکرات کی ثالثی کے کردار پر بات چیت کریں گے۔
سرکاری بیان کے مطابق دورے کے دوران گوتریس صدر آصف علی زرداری، وزیرِاعظم شہباز شریف، نائب وزیرِاعظم اور وزیرِ خارجہ اسحاق ڈار سمیت دیگر اعلیٰ حکام سے ملاقات کریں گے۔ یہ ملاقاتیں پاکستان اور خطے میں تعلقات کی بحالی اور بات چیت کی بحالی کے طریقے تلاش کرنے پر مرکوز ہوں گی۔
اقوامِ متحدہ کے ترجمان نے اے پی پی کو بتایا کہ سیکرٹری جنرل پاکستان کی ثالثی کی کوششوں کے معترف ہیں، اس کے لوگ اقوامِ متحدہ کے تحت خدمات بھی انجام دیتے رہے ہیں جبکہ اِس کی کوشش ہوتی ہے کہ مخالفین کو قریب لایا جائے، اس کی سفارت کاری اور ثالثی نے دنیا میں اہم کردار ادا کیا۔ ترجمان نے کہا کہ پاکستان کا یہ جذبہ طویل عرصے سے دیکھا جا رہا ہے اور یہ اِس کی دنیا کے لیے سب سے بڑی خدمات میں سے ایک ہے۔
گوتریس اِس سال کے اختتام پر بطور سیکرٹری جنرل اپنے عہدے سے سبکدوش ہونے والے ہیں اور انہوں نے گزشتہ ماہ اقوامِ متحدہ کی جنرل اسمبلی کے اجلاس کے اختتامی پریس کانفرنس میں جنگ کے خاتمے کے لیے گفت و شنید کی ضرورت پر زور دیا تھا۔
دورے کے دوران سیکرٹری جنرل نیشنل ڈیزاسٹر مینجمنٹ اتھارٹی کا بھی دورہ کریں گے تاکہ وہ 2022 کے موسمی سیلاب کے بعد پاکستان کی پیش بندی اور لچک میں ترقی کا جائزہ لیں۔ علاوہ ازیں وہ انڈیا اور پاکستان میں لائن آف کنٹرول کی نگرانی کرنے والے “یو این ایم او جی آئی پی” کے ہیڈکوارٹرز کا بھی معائنہ کریں گے۔
اقوامِ متحدہ مطابق گوٹیریس کا اسلام آباد دورہ چار روزہ ہے اور وہ جمعرات کو دوبارہ نیو یارک واپس پہنچنے کی توقع رکھتے ہیں۔
