خیبر پختونخوا کے محکمہ داخلہ نے پولیس افسروں اور عملے کی بنیادی تنخواہوں میں 250 فیصد اضافے کی ایک تجویز وفاقی حکومت کو بھجوائی ہے، تجویز میں دہشت گردی کے خلاف فرائض پر مشکل علاقوں کے الاؤنس وغیرہ جیسی سفارشات شامم ہیں جبکہ اِس کا نوٹیفکیشن حتمی منظوری کے بعد جاری کیا جائے گا۔
محکمہ داخلہ خیبر پختونخوا کی جانب سے پولیس اہلکاروں اور افسروں کی بنیادی تنخواہوں میں 250 فیصد اضافے کی تجویز تیار کی گئی ہے اور اسے حتمی منظوری کے لیے آگے بھیجنے کا اعلان کیا گیا ہے۔ ذرائع کے مطابق اِس سے دہشت گردی کے خلاف فرائض انجام دینے والے اہلکاروں کے لیے مشکل علاقوں کا الاؤنس دینے کی سفارشات بھی منظور کی گئی ہیں۔
یہ سفارشات وفاقی حکومت کو بھیجی جا چکی ہیں اور مشکل علاقوں کی حتمی شناخت کے بعد متعلقہ اضلاع کی تفصیل پیش کی جائے گی۔ ایک افسر نے بتایا کہ صوبے کے تمام اضلاع کو مشکل علاقوں میں شامل کرنے کی تجویز بھی زیرِ غور ہے سوائے صوابی اور ہزارہ ڈویژن کے جنہیں اِس سے خارج رکھا گیا ہے۔
خیبر پختونخوا پولیس ذرائع کے مطابق جب وفاقی حکومت سے منظوری کی صورت اِس کے نفاذ کا باضابطہ نوٹیفکیشن جاری کیا جائے گا۔ خیال رہے کہ خیبر پختونخوا پولیس نے پہلے بھی دہشت گردی کے خلاف جنگ میں فرائض اور دیگر صوبوں کے مقابلے میں تنخواہ کے فرق کی بنیاد پر مشکل علاقوں میں کام کرنے کی عوض الائونسوں کی مانگ کی تھی، محکمے نے اِس سلسلے میں پہلا خط مارچ 2025ء میں وفاق کو بھیجا تھا۔
پولیسی حکام کا کہنا ہے کہ اگر منظوری مل جاتی ہے تو اِس اقدام سے اہلکاروں کے معاوضے میں خاطر خواہ بہتری اور خطرناک آپریشنوں میں تعینات عملے کو مراعات فراہم ہوں گی۔
