کراچی (نمائندہ خصوصی) کراچی میں بدھ کو شروع ہونے والی بڑی سمندری مشق ’’سیس پارک-2026‘‘ کا افتتاح نیول سٹاف کے سربراہ ایڈمرل نوید اشرف نے کیا۔ اِس مشق کا مقصد روایتی اور نئے سمندری خطرات کے خلاف پاک بحریہ کی تینوں افواج پر مشتمل مشترکہ لڑائی کی جانچ کرنا ہے۔
انٹر سروسز پبلک ریلیشنز (آئی ایس پی آر) کے مطابق پاک بحریہ نے بدھ کو کراچی کے ساحلی علاقوں میں بڑی بحری مشق ’’سیس پارک-2026ء‘‘ شروع کر دی ہے جس کا پاک بحریہ کی ’’روایتی اور نئے سمندری خطرات‘‘ کے خلاف لڑائی کی تیاری کو سخت طریقے سے پرکھے گی۔ مشق میں جہاز، آبدوزیں، طیارے، بغیر پائلٹ نظام، میرینز اورخصوصی دستوں کے علاوہ پاک فوج اور پاک فضائیہ کا انسانی و غیر انسانی ذرائع استعمال کیے جائیں گے تاکہ عملی سطح پر کثیرالمیدانی (میرین ، فضائی، زمینی، سائبر اور خلائی) آپریشنز کی ہم آہنگی جانچی جا سکے۔
بیان کے مطابق مشق میں معلوماتی ماحول میں کارروائیوں کی ریہرسل بھی شامل ہے تاکہ ’’معلوماتی میدانِ جنگ‘‘ میں فیصلہ کُن فوقیت حاصل کی جا سکے۔سمندری حملوں کے روایتی طریقہ کار پر بھی توجہ دی جائے گی۔ نیول چیف نے بیڑہ جاتی یونٹوں کے دورے کے دوران جاری آپریشنوں کا جائزہ لیتے ہوئے کہا کہ بدلتا ہوا سیکیورٹی ماحول ’’غیر مشترطہ تیاریاں، بہتر مشترکہ انضمام، لچک اور جسمانی و معلوماتی شعبوں میں مؤثریت‘‘ کا تقاضپ کرتا ہے۔
یاد رہے کہ اپریل میں پاک بحریہ نے ملک میں تیار کردہ ’’تیمور‘‘ فضائی تنصیب شدہ کروز میزائل کا کامیاب تجربہ کیا تھا۔ اِسی ماہ پاک بحریہ نے چین کے ساتھ دو مرحلوں پر مشتمل دو طرفہ بحری مشق بھی مکمل کی تھی جس میں کراچی میں پانچ روزہ بندرگاہی دورہ اور شمالی عرب سمندر میں دو روزہ سمندری مرحلہ شامل تھا۔
سیس پارک-2026ء مشق کا دائرہ اور نئے ڈیجیٹل و خلائی عناصر کا شامل ہونا اِس بات کی نشاندہی کرتا ہے کہ پاک بحریہ رواں برس اپنی جنگی صلاحیتوں کو جدید خطرات کے مطابق ڈھالنے اور مشترکہ سروس آپریشنوں کو مضبوط کرنے کی کوشش کر رہی ہے۔
