(اسلام آباد (سٹاف رپورٹر) وزیرِ اطلاعات عطاء اللہ تارڑ نے کہا کہ تحریکِ انصاف کی خیبر پختونخوا حکومت اگر اپنے شہریوں کے جان و مال کا تحفظ نہیں کر سکتی تو یہ اس کی مکمل ناکامی ہے اور دہشت گردی کے خلاف کارروائی کے بجائے دہشت گردوں کو اسپیس دیا جا رہا ہے۔
عطاء اللہ تارڑ نے صوبائی انتظامیہ پر سخت تنقید کرتے ہوئے کہا کہ خیبر پختونخوا حکومت اپنے شہریوں کے جان و مال کے تحفظ میں ناکام ہو چکی ہے، اِس کی ناکامی واضح ہے کیونکہ وہ دہشت گردی کے خلاف فعال کارروائی کے بجائے اُن کی ’’سہولت کاری‘‘ کر رہی ہے۔
انہوں نے یہ نشاندہی بھی کی کہ ایپیکس کمیٹی کی میٹنگ تک نہیں کی جاتی، جو سیکیورٹی حکمتِ عملی اور ضلعی سطح پر مربوط کارروائیوں کے رابطے کے لیے ضروری سمجھی جاتی ہے۔ تارڑ نے استدلال کیا کہ اِن غفلتوں کے نتیجے میں وہ عناصر فائدہ اٹھا رہے ہیں جو “پاکستان سے فائدے لیتے ہیں اور فائدہ افغانستان کا کرتے ہیں۔”
تارڑ نے زور دیا کہ دہشت گردی کے خلاف ٹھوس کارروائی اور ایپیکس کمیٹی کی بحالی فوری ضرورت ہے تاکہ ریاستی ادارے مربوط انداز میں خطرات کا مقابلہ کر سکیں۔
