شہید بینظیرآباد (سٹاف رپورٹر) تھانہ اے سیکشن کے مال خانے سے ساڑھے 52 تولہ سونا غائب ہونے پر آئی جی سندھ جاوید عالم اوڈھو نے نوٹس لیا اور واقعے میں ملوث چار پولیس اہلکاروں کو حراست میں لیا گیا۔
آئی جی سندھ جاوید عالم اوڈھو نے شہید بینظیرآباد کے تھانہ اے سیکشن میں موجود مال خانے سے ساڑھے 52 تولہ سونا غائب ہونے کی اطلاع پر نوٹس لیا۔ سندھ پولیس کے بیان کے مطابق اس واقعے کے سلسلے میں چار پولیس اہلکار گرفتار کیے گئے۔
بیان میں کہا گیا ہے کہ غائب شدہ سونے کی بازیابی اور واقعے کی شفاف تحقیقات کا حکم دیا گیا ہے۔ آئی جی سندھ نے ذمہ داران کے خلاف سخت کارروائی کی ہدایت بھی جاری کی۔
مقامی پولیس نے ابتدائی کارروائی کرتے ہوئے گرفتاری عمل میں لائی، جبکہ انتظامی سطح پر تفتیشی اور انضباطی کارروائیوں کا سلسلہ جاری رکھا جائے گا، یہ تفصیلات محکمۂ پولیس کے نوٹس میں درج ہیں۔
