اسلام آباد (مانیٹتنگ ڈیسک) امریکی سفارتخانے نے پاکستانی زرعی شعبے میں سرمایہ کاری اور برآمدات کے مواقع پر زور دیتے ہوئے امریکی کمپنیوں کو پاکستان کی زرعی ٹیکنالوجی مارکیٹ میں داخل ہونے کی دعوت دی، یہ مطالبہ ایک ویبینار کے دوران سفیر کے طور پر کام کرنے والی چارج ڈی افیئر نتالی بیکر نے کیا۔
اسلام آباد میں امریکی سفارتخانے نے کہا ہے کہ امریکی زرعی ٹیکنالوجی پاکستان میں زراعت کو جدید بنانے اور دونوں ممالک کے کاروباری مواقع بڑھانے میں معاون ثابت ہو سکتی ہے۔
اِس موقع پر بتایا گیا کہ 26 اکتوبر تا 30 اکتوبر 2026 تک امریکی محکمہ تجارت کی مصدقہ زرعی ٹیکنالوجیز کا ٹریڈ مشن پاکستان کا دورہ کرے گا۔
نتالی بیکر کا کہنا تھا کہ امریکی زرعی ٹیکنالوجیز پاکستان کی کھیتی باڑی کو جدید بنانے اور دونوں ممالک کے کاروباروں کے لیے تجارتی مواقع پیدا کرنے میں مدد دے سکتی ہیں۔” انہوں نے نشاندہی کی کہ زراعت پاکستان کے مجموعی ملکی جی ڈی پی کا تقریباً ایک چوتھائی ہے اور لاکھوں لوگوں کی روزی روٹی کا ذریعہ ہے۔
سفارتخانے نے کہا کہ امریکی کمپنیاں ضروری مہارت فراہم کر کے پیداواری صلاحیت اور وسائل کے استعمال کو بہتر بنا سکتی ہیں۔
امریکی مشن نے بتایا کہ دوطرفہ زرعی تجارت مضبوط ہے اور 2025ء میں امریکی زرعی اور متعلقہ مصنوعات کی پاکستان کو برآمدات 1.5 ارب ڈالر سے زائد رہیں۔
ویبینار میں پاکستانی شرکاء نے کہا کہ درآمدات میں آسانی کے لیے ریگولیٹری اور پالیسی تبدیلیاں کی جا رہی ہیں تاکہ سویا بین، کپاس اور پودا وار بیج جیسی امریکی زرعی مصنوعات کی آمد میں اضافہ ممکن بنایا جا سکے۔ شرکائۓ بحث نے فارم میکنائزیشن، کنٹرولڈ اتموسفیر اسٹوریج، فوڈ پروسیسنگ، بیج کی ترقی اور بائیوٹیکنالوجی میں سرمایہ کاری کی حوصلہ افزائی بھی کی۔
ایونٹ میں امریکی محکمہ تجارت کی جانب سے 26 تا 30 اکتوبر 2026ء کے دوران پاکستان کے لیے مقرر کردہ ٹریڈ مشن کے بارے میں بتایا گیا تھا اور بیکع نے امریکی کمپنیوں کو پاکستان کے زرعی ٹیکنالوجی اور فوڈ پروسیسنگ شعبوں میں مواقع تلاش کرنے کی دعوت دی۔
سفارتخانے نے کہا کہ وہ امریکی کاروباروں کو پاکستان میں اپنی موجودگی بڑھانے میں تعاون فراہم کرنے کے عہد کا اعادہ کرتا ہے۔
