خانۂ کعبہ کے اندر وزیراعظم شہباز شریف اور فیلڈ مارشل عاصم منیر کی پاکستان اور امتِ مسلمہ کے لیے خصوصی دعائیں.

وزیراعظم شہباز شریف اور چیف آف ڈیفنس فورس (CDF) فیلڈ مارشل سید عاصم منیر کو سعودی عرب کے سرکاری دورے کے دوران خانۂ کعبہ کے اندر خصوصی حاضری اور عبادت کا اعزاز حاصل ہوا۔ دونوں رہنماؤں نے امتِ مسلمہ کے اتحاد، پاکستان کی سلامتی، دفاعی استحکام، امن، خوشحالی اور عالمِ اسلام کی ترقی کے لیے خصوصی دعائیں کیں۔ اس موقع پر پاکستان اور سعودی عرب کے درمیان برادرانہ تعلقات، باہمی تعاون اور اسلامی دنیا میں امن و استحکام کے فروغ کے عزم کا بھی اظہار کیا گیا۔ اس خصوصی اعزاز کو دونوں ممالک کے مضبوط اور تاریخی تعلقات کی علامت قرار دیا جا رہا ہے۔