بھارت نے روس سے Su-57E سٹیلتھ جنگی طیارے خریدنے کا منصوبہ منسوخ کر دیا

نئی دہلی: بھارت کے دفاعی سیکرٹری راجیش کمار سنگھ نے تصدیق کی ہے کہ بھارت نے روس کے پانچویں نسل کے Su-57E سٹیلتھ جنگی طیاروں کی خریداری کا منصوبہ منسوخ کر دیا ہے۔ یہ فیصلہ بھارت کی دفاعی حکمتِ عملی میں ایک اہم تبدیلی قرار دیا جا رہا ہے، دفاعی ماہرین کے مطابق اس فیصلے سے بھارت کی فضائیہ کی جدید کاری کی حکمتِ عملی اور روس کے ساتھ دفاعی تعاون پر بھی اثرات مرتب ہو سکتے ہیں، تاہم منسوخی کی تفصیلی وجوہات تاحال سرکاری طور پر سامنے نہیں لائی گئیں۔