مریم محمود یوئیفا ویمنز چیمپیئنز لیگ میں کھیلنے والی پہلی پاکستانی فٹبالر بن گئیں

اسلام آباد (مانیٹرنگ ڈیسک) 22 سالہ مریم محمود نے 22 اور 25 جولائی 2026ء کے دوران یورپی مہم (وریکشہم اے ایف سی ویمن) کے میدان میں اُتر کر تاریخ رقم کی، وہ یوئیفا ویمنز چیمپیئنز لیگ میں کھیلنے والی پہلی پاکستانی کھلاڑی بن گئی ہیں۔

مریم محمود نے وریکشہم اے ایف سی ویمن کے ساتھ کلب کی پہلی یورپی مہم میں حصہ لے کر یوئیفا ویمنز چیمپیئنز لیگ میں قدم رکھا۔ اُنہیں کوارٹر فائنل کی پہلی مرحلے کی شروعات میں جگہ ملی۔

اِس میچ میں کیٹی بارکر، لِی لی جونز، ایوا سکلے اور نتاشا تھامس نے گول کیے، یوں ریکسہم یورپی مقابلے میں فتح حاصل کرنے والی پہلی ویلز کی خواتین ٹیم بن گئی۔ یہ جیت ریکسہم کو چار ٹیموں کے کوالیفائنگ منی ٹورنامنٹ کے فائنل میں لے گئی جہاں اِس نے 25 جولائی کو لٹویا کی چیمپیئن ٹیم رِگا ایف سی سے پنجہ آزمایا۔

ریکسہم کی دوسرے ہاف میں ایک ۔ صفر کی برتری سے داخل ہوئی تاہم رِگا کی ٹیم نے دوسرے ہاف میں چار گول کر کے چار ۔ ایک سے فتح حاصل کرتے ہوئے اگلے کوالیفائنگ راؤنڈ میں جگہ بنا لی۔ منی ٹورنامنٹ کا فاتح ہی آگے بڑھ سکا، لہٰذا ریکسہم کی چیمپیئنز لیگ مہم اسی مرحلے پر ختم ہو گئی۔

کلب اگرچه آگے نہ بڑھ سکا تاہم اِس مہم نے مریم اور پاکستانی فٹبال کے لیے ایک اہم سنگِ میل بنا دیا ہے۔ مریم نے ریکسہم کے دونوں یورپی میچوں میں شرکت کی یوں وہ باضابطہ طور پر یوئیفا ویمنز چیمپیئنز لیگ میں کھیلنے والی پہلی پاکستانی فٹبالر بن گئیں۔

یاد رہے کہ مارچ 2026ء میں مریم پہلی پاکستانی خاتون فٹبالر بنیں جنہوں نے یورپ کی ٹاپ فلائٹ لیگ ٹائٹل جیتا جب ریکسہم نے پہلی بار ایڈرن پریمیئر چیمپئن شپ اپنے نام کی، اِس نے سیزن 10 گول اور دو اسسٹ کے ساتھ ختم کر کے کلب کو یورپ کے لیے کوالیفائی کرانے میں اہم کردار ادا کیا۔ مریم محمود ویسٹ بروموِچ الیون خواتین سے ریکسہم آئیں جہاں اُنہوں نے اکیڈمی سے ترقی کر کے 80 سے زائد فرسٹ ٹیم کھیلیں۔ وہ انگلینڈ کے علاقے ڈڈلے میں پیدا ہوئیں، اُنہوں نے 2025ء میں اے ایف سی ویمنز ایشیئن کپ کوالیفائرز میں پاکستان کی نمائندگی کی— اپنے قومی ڈیبیو میں انہوں نے کرغزستان کے خلاف دو۔ایک کی جیت میں دونوں گول سکور کیے۔ یاد رہے مریمنہ صرف ریکسہم کی پہلی برطانوی-پاکستانی لبکہ پہلی مسلم کھلاڑی بھی ہیں۔