نئے صوبوں کی ڈیڈ لائن، موجودہ نظام ناکام ہو چکا ہے: محسن نقوی

اسلام آباد: وفاقی وزیر داخلہ محسن نقوی نے کہا ہے کہ پاکستان کا موجودہ انتظامی و حکومتی نظام ناکام ہو چکا ہے اور عوامی مسائل کے حل کے لیے نئے صوبوں یا انتظامی یونٹس کا قیام ناگزیر ہو گیا ہے۔ پاکستان اکنامک سمٹ 2026 سے خطاب کرتے ہوئے انہوں نے تمام سیاسی جماعتوں پر زور دیا کہ وہ ایک میز پر بیٹھ کر نئے صوبوں، انتظامی اصلاحات اور آئینی معاملات پر قومی اتفاقِ رائے پیدا کریں۔ ان کا کہنا تھا کہ موجودہ ڈھانچے کے ساتھ ملک کے دیرینہ مسائل حل نہیں ہو سکتے اور عوام تک مؤثر حکمرانی پہنچانے کے لیے بنیادی اصلاحات ضروری ہیں۔ ان کے بیان کے بعد ملک میں نئے صوبوں سے متعلق سیاسی بحث ایک بار پھر تیز ہو گئی ہے