چین کا نیا ہیلتھ سکیورٹی فریم ورک، 1.33 ارب افراد کو بنیادی طبی انشورنس کا تحفظ
چین نے ملک کے طبی تحفظ کے نظام کو مزید مضبوط بنانے کے لیے ایک جامع قانونی فریم ورک متعارف کرایا ہے، جس میں ہیلتھ سکیورٹی، فنڈز، طبی خدمات، نگرانی اور قانونی ذمہ داریوں کا احاطہ کیا گیا ہے۔ قانون کا مقصد چین کی “ہیلتھ فرسٹ” حکمت عملی اور ہیلتھی چائنا منصوبے کو آگے بڑھانا ہے۔ نئے نظام کے تحت تمام شہریوں کے لیے کثیر سطحی طبی تحفظ کو بہتر بنانے پر زور دیا گیا ہے، جبکہ بنیادی طبی انشورنس کو نظام کی بنیاد قرار دیا گیا ہے۔ اس میں شہری ملازمین کے ساتھ دیہی اور غیر ملازم شہری بھی شامل ہیں۔ سرکاری اعداد و شمار کے مطابق 2025 کے اختتام تک چین میں 1.33 ارب سے زائد افراد، یعنی تقریباً 95 فیصد آبادی، بنیادی طبی انشورنس کے تحت آ چکی تھی۔ یہ اصلاحات چین کے وسیع عوامی فلاحی نظام کو مزید منظم اور پائیدار بنانے کی کوشش قرار دی جا رہی ہیں۔
