چین کا ایران کی دفاعی طاقت بڑھانے کا نیا قدم

بیجنگ/تہران: اطلاعات کے مطابق چین، ایران کو فضائی دفاع مضبوط بنانے کے لیے 400 تک کندھے پر رکھ کر چلائے جانے والے فضائی دفاعی ہتھیار فراہم کرنے کی تیاری کر رہا ہے، جس کی مالیت تقریباً 7 کروڑ ڈالر بتائی جا رہی ہے۔ یہ دفاعی تعاون 2021 میں طے پانے والے 25 سالہ، 400 ارب ڈالر کے چین۔ایران اسٹریٹجک تعاون معاہدے کا حصہ قرار دیا جا رہا ہے، جس میں توانائی، تجارت، بنیادی ڈھانچے اور سیکیورٹی کے شعبے شامل ہیں۔ دفاعی تجزیہ کاروں کے مطابق اگر یہ معاہدہ عملی شکل اختیار کرتا ہے تو ایران کی فضائی دفاعی صلاحیت میں نمایاں اضافہ ہو سکتا ہے۔ تاہم اس اسلحہ منتقلی کی سرکاری سطح پر نہ تو چین اور نہ ہی ایران نے باضابطہ تصدیق کی ہے۔