ٹرمپ اور ایران دونوں نے جنگی ہرجانے کا مطالبہ شروع کر دیا, کون ادا کرے گا؟ عرب؟

مریکہ اور ایران کے درمیان جاری مذاکرات میں جنگی ہرجانے کا معاملہ ایک نئے بڑے تنازع کی صورت اختیار کر گیا ہے۔ ایران آبنائے ہرمز کی مکمل بحالی کے لیے جنگی نقصانات کے ازالے، پابندیوں میں نرمی اور معاشی رعایتوں کا مطالبہ کر رہا ہے۔ دوسری جانب امریکی صدر ڈونلڈ ٹرمپ نے بھی ایران سے ان امریکی شہریوں اور فوجیوں کے لیے ہرجانے کا مطالبہ کیا ہے جن کی ہلاکت یا زخمی ہونے کا ذمہ دار واشنگٹن ایران یا اس کے اتحادی گروہوں کو قرار دیتا ہے۔ تجزیہ کاروں کے مطابق یہ متضاد مطالبات مستقبل کے معاہدے اور آبنائے ہرمز کی بحالی میں بڑی رکاوٹ بن سکتے ہیں۔