کریملن کا برطانیہ کو انتباہ، یوکرین کی حمایت ’آگ پر تیل‘ ڈالنے کے مترادف
کریملن نے یوکرین کے لیے برطانیہ کی بڑھتی ہوئی فوجی حمایت پر شدید ردعمل دیتے ہوئے خبردار کیا ہے کہ لندن “جنگ کی آگ پر تیل ڈال رہا ہے”۔ کریملن کے ترجمان دیمتری پیسکوف نے برطانوی اقدامات کو انتہائی منفی قرار دیتے ہوئے الزام عائد کیا کہ برطانیہ یوکرین تنازع کے پرامن حل کی کوششوں میں رکاوٹ ڈال رہا ہے۔
یہ بیان برطانیہ کی جانب سے یوکرین کو SCALP طویل فاصلے تک مار کرنے والے کروز میزائلوں کے برطانوی اجزا سے متعلق خفیہ معلومات فراہم کرنے کے فیصلے کے بعد سامنے آیا ہے۔ برطانوی وزیراعظم اینڈی برنہم نے کیف کے دورے کے دوران روسی انتباہات کے باوجود یوکرین کی حمایت جاری رکھنے کا عزم ظاہر کیا۔
ماسکو نے یہ بھی کہا ہے کہ وہ یوکرین میں میزائل سازی کی تنصیبات کی نشاندہی کر رہا ہے۔ روس پہلے ہی برطانوی ساختہ ڈرونز کے مبینہ استعمال پر برطانیہ کو ممکنہ نتائج سے خبردار کر چکا ہے۔
