کراچی (کرائم رپورٹر) کراچی پولیس کا کہنا ہے کہ اپر گِزری میں خاتون پر حالیہ تیزاب حملے کے مبینہ ملزم کو اُس کے آبائی شہر پنجاب کے ضلع راجن پور سے گرفتار کر لیا گیا ہے۔
ساؤتھ ڈپٹی انسپکٹر جنرل (ڈی آئی جی) سید اسد رضا کا کہنا تھا کہ مبینہ ملزم کی گرفتاری میں سندھ پولیس نے ہر ممکن مدد فراہم کی۔ پولیس راجن پور سے مبینہ ملزم کو کراچی لے کر آئے گئ۔
مقامی پولیس کے مطابق حملہ جمعرات کو ہوا تھا جب ایک 35 سالہ خاتون پر مرد نے تیزاب پھینکا۔ زخمی خاتون کو ایدھی ایمبولینس کے ذریعے ڈاکٹر رُتھ فاؤ سول ہسپتال کراچی کے برن سینٹر منتقل کیا گیا۔ پولیس سرجن ڈاکٹر سمیعہ سید نے صحافیوں کو بتایا کہ متاثرہ خاتون کے جسم کا 15 فیصد حصہ جھلس گیا ہے اور چہرہ، گردن اور پیٹ متاثر ہوئے ہیں۔
یاد رہے کہ سندھ کے وزیرِ داخلہ ضیاءُ الحسن لنجار نے واقعے کا نوٹس لیتے ہوئے پولیس کو ہدایت کی تھی کہ تمام دستیاب وسائل استعمال کر کے مبینہ ملزم کو فوری گرفتار کیا جائے اور اسے قانون کے کٹہرے میں لایا جائے۔
واضح رہے کہ رواں سال جون میں سپریم کورٹ نے ایسڈ حملوں کو ہومائیڈ کے مقابلے میں زیادہ سنگین قراردیتے ہوئے انہیں متاثرین کے لیے ’’زندہ موت‘‘ قرار دیا تھاجو ایسے جرائم کے خلاف قانونی کارروائی کی سنگینی کو اجاگر کرتا ہے۔
