وزیراعلیٰ بلوچستان سرفراز بگٹی نے کہا ہے کہ کالعدم تحریک طالبان پاکستان (ٹی ٹی پی)، کالعدم بلوچ لبریشن آرمی (بی ایل اے) اور دیگر دہشت گرد تنظیموں کو بھارتی خفیہ ایجنسی را کی جانب سے مالی معاونت، تربیت اور سہولت کاری حاصل ہے جبکہ وہ افغان سرزمین سے کارروائیاں کرتی ہیں۔
انہوں نے واضح کیا کہ پاکستان کسی مسلح دہشت گرد گروہ سے مذاکرات نہیں کرے گا۔ ان کے مطابق فیلڈ مارشل سید عاصم منیر کی قیادت، ریاستی اداروں
اور حکومت کی مشترکہ حکمت عملی سے بلوچستان میں امن قائم ہوگا اور دہشت گردی کا خاتمہ کیا جائے گا۔ بھارت ان الزامات کی تردید کرتا رہا ہے۔
