لاہور (سٹاف رپورٹر) پنجاب کی وزیر اطلاعات عظمیٰ بخاری کا کہنا ہے کہ وزیرِاعلیٰ پنجاب نے اپنے لندن وزٹ کے لئے جہاز کے تمام اخراجات اپنی جیب سے ادا کئے ہیں۔
اُن کا کہنا تھا کہ وزیرِاعلیٰ کے لندن کے دورے کے تمام اخراجات بشمول طیارے کا خرچ سرکار نے نہیں بلکہ اُنہوں نے خود اپنی جیب سے ادا کیے ہیں۔
واضح رہے کہ بعض سوشل میڈیا اکائونٹس سے مریم نواز کے دورہ لندن پر انگلیاں اُٹھائی جا رہی تھیں کہ وہ سرکاری خرچ پر لندن گئیں۔ اِسی سوشل میڈیا بیانیے کے خلاف عظمیٰ بخاری نے یہ وضاحتی بیان جاری کیا۔
یاد رہے کہ وزیرِاعلیٰ پنجاب اپنی بیٹی کی گریجوایشن تقریب میں شرکت کے لیے لندن میں ہیں جہاں اُنہوں نے میڈیا سے مختصر بات چیت میں کہا تھا کہ اللہ سب بیٹیوں کی قسمت اچھی کرے۔ یہ جواب اُنہوں نے اِس سوال کے جواب میں دیا کہ کیا اُن کی بیٹی سیاست میں آئیں گی۔
