فیصل آباد سے تعلق رکھنے والی تین بچوں کی والدہ حرا قیصر نے پاکستان آئیڈل کا دوسرا سیزن اپنے نام کر لیا۔ اُنہوں نے فائنل جیت کر 15 لاکھ روپے کا انعام حاصل کیا جس کے بارے میں اُن کا کہنا ہے کہ وہ اِس رقم سے بچوں کے لیے چھت بنائیں گی۔
حرا قیصر نے پاکستان آئیڈل کے دوسرے سیزن کے فائنل مقابلے میں سات امیدواروں کو شکست دے کر فاتح ہونے کا اعزاز حاصل کیا، فیصل آباد کی رہائشی اور تین بچوں کی والدہ کے مطابق اُنہوں نے نے پہلے ہی دن سے سوچ رکھا تھا کہ اگر وپ یہ مقابلہ جیت گئیں تو انعامی رقم سے اپنے بچوں کے لیے چھت بنائیں گی۔
فائنل میں حرا قیصر کے ہم مقابل امیدوار آریان نوید بھٹی، ماہم طاہر، وقار حسین، طرب نفیس، سمعیہ گوہر اور نبیل عباس خان تھے۔ فائنل میں جج کے فرائض راحت فتح علی خان، بلال مقصود، زیب بنگش اور فواد خان نے سر انجام دیے جبکہ عاطف اسلم نے بطور مہمان خصوصی شرکت کی۔
دوسرے سیزن کی شروعات اکتوبر 2025ء میں ہوئی تھی مگر رمضان اور پھر مارچ میں علاقائی کشیدگی کے باعث اِسے دو بار روکا دیا گیا تھا۔ اگست میں اب بالآخر مجموعی طور پر 39 اقساط کے بعد مقابلہ مکمل ہوا۔ پورے سیزن میں حرا قیصر نے اپنی کم تکنیکی غلطیوں، سادگی اور مستقل اندازِ کار کی بدولت ججوں اور ناظرین دونوں میں پذیرائی حاصل کی۔
حرا قیصر نے بی بی سی اردو سے گفتگو میں بتایا کہ اُنہوں نے کسی ادارے سے موسیقی کی باقاعدہ تعلیم نہیں لی بلکہ اُن کی بنیادی تربیت اُن کے والد قیصر علی کے باعث ہوئی جو آٹھ سال قبل انتقال کر گئے تھے۔ اُنہوں نے کہا کہ اُنہوں نے صرف آٹھویں جماعت تک تعلیم حاصل کی اور پھر 2013ء میں اُن کی شادی ہو گئی۔
ابتدائی طور پر تین بچوں کی ذمہ داریوں کی وجہ سے حرا نے مقابلے میں شامل نہ ہونے کا ارادہ کیا تاہم اُن کی چھوٹی بہن نے اُنہیں مسلسل حوصلہ دیا جس کے باعث بالآخر کار وہ لاہور میں آڈیشن دینے پہنچیں جہاں سے اُن کا انتخاب ہوا۔ بعد ازاں انہیں کراچی بھی گئیں۔
پاکستان آئیڈل میں حرا قیصر کے گائے ہوئے کئی گانے مقبول ہوئے۔ اُن کے مطابق اُن کا پہلا بڑا ہٹ گانا ’’جندڑیے ہُن تے مگروں لِہہ جا‘‘ تھا، جسے قبل ازاں میڈم نور جہاں نے بھی گایا تھا۔ اِس کے علاوہ ’’وہ میری زندگی تیرا پیار‘‘ اور ’’جھوک رانجھن‘‘ بھی شہری اور بین الاقوامی سطح پر پذیرائی پا چکے ہیں۔
اِس کامیابی پر حرا نے کہا کہ پاکستان آئیڈل نے اُنہیں سیکھنے اور آگے بڑھنے کا موقع دیا اور اب وہ اپنے فنی کیریئر کو ایک نئی سطح پر لے جانا چاہتی ہیں۔
