شام میں اسرائیلی حملے کے بعد اسرائیل نے ترکیہ کو سکیورٹی خطرہ قرار دے دیا
اسرائیل اور ترکیہ کے درمیان کشیدگی میں تیزی آ گئی ہے۔ اسرائیل نے شام کے ابو الظہور ایئربیس پر حملہ کرتے ہوئے مؤقف اختیار کیا کہ وہاں ترک فوجیوں کی ممکنہ تعیناتی اسرائیلی سکیورٹی کے لیے خطرہ بن سکتی ہے۔ ترکیہ نے اس الزام کو مسترد کرتے ہوئے حملے کو غیر ذمہ دارانہ قرار دیا۔ غزہ، لبنان اور شام میں جاری اسرائیلی فوجی کارروائیوں کے تناظر میں ترکیہ کا شام میں بڑھتا کردار تل ابیب کے لیے ایک نیا تزویراتی چیلنج بن گیا ہے۔
