’’نیا پے‘‘ کو ایشیئن بینکنگ اینڈ فنانس ایوارڈز 2026ء میں ’’فِن ٹیک سٹارٹ اپ۔پاکستان کا اعزاز ملا جو کمپنی کی پراڈکٹ جدت اور پاکستان کی ڈیجیٹل ادائیگیوں کے بنیادی ڈھانچے کی مظبوط تعمیر کے اعتراف میں دیا گیا۔
مقامی میڈیا کے مطابق یہ اعزاز خطّے میں کسی فِن ٹیک کے لیے نمایاں اعتراف شمار ہوتا ہے۔ ایشیائی بینکنگ اینڈ فنانس ایوارڈز میں سالانہ بنیاد پر آزاد پینل آف انڈسٹری ایکسپیرٹس جج ہوتے ہیں جو ایشیاء بھر کے بینکوں، فِن ٹیکس اور مالیاتی اداروں کی انٹریز کو جدت اور نفاذ کی بنیاد پر پرکھتے ہیں۔ خبر کے مطابق ’نیا پے‘ کو اس بات کے لیے بھی تسلیم کیا گیا کہ اُس کے پیمنٹ ایپ نے لاکھوں پاکستانیوں تک ڈیجیٹل مالی خدمات کی رسائی بڑھائی ہے۔
نیا پے نے پاکستان کے پہلے لائسنس یافتہ الیکٹرانک منی انسٹی ٹیوشن کے طور پر آغاز کیا اور روایتی بینکنگ نظام سے ہٹ کر ڈیجیٹل والٹس اور ادائیگی کی خدمات فراہم کیں۔ کمپنی بعد ازاں کاروباری ادائیگیوں اور دیگر مالیاتی مصنوعات میں بھی وسعت پا چکی ہے جو ریلیز کے مطابق اِسے پاکستان کی بڑھتی ہوئی ڈیجیٹل معیشت کا اہم کھلاڑی بناتی ہے۔
