امریکہ میں تعلیم کے بعد ملازمت مہنگی؟ غیر ملکی طلبہ پر ایک لاکھ ڈالر فیس کی تجویز

واشنگٹن: ٹرمپ انتظامیہ مبینہ طور پر ایسے غیر ملکی طلبہ کے لیے ایک لاکھ ڈالر فیس عائد کرنے پر غور کر رہی ہے جو تعلیم مکمل کرنے کے بعد آپشنل پریکٹیکل ٹریننگ (OPT) پروگرام کے تحت امریکہ میں ملازمت کرنا چاہتے ہیں۔ حامیوں کے مطابق اس اقدام سے امریکی ملازمتوں کا تحفظ اور امیگریشن نظام مزید سخت ہوگا، جبکہ ناقدین کا کہنا ہے کہ اس سے باصلاحیت بین الاقوامی طلبہ امریکہ آنے سے گریز کر سکتے ہیں۔ یہ تجویز ابھی زیر غور ہے اور اس پر حتمی منظوری نہیں دی گئی۔ اگر نافذ ہوئی تو ہزاروں بین الاقوامی گریجویٹس اس سے متاثر ہو سکتے ہیں۔