ایشوریا رائے کا 14 کروڑ روپے تک مالیت کا شاہکار لباس کانز کی سب سے بڑی خبر بن گیا

کانز: بالی ووڈ سپر اسٹار ایشوریا رائے بچن ایک بار پھر 2026 کانز فلم فیسٹیول کی سب سے نمایاں فیشن شخصیت بن گئیں، جب ان کے ٹونی وارڈ کُوٹور کے تیار کردہ شاہکار لباس کی نئی تصاویر سوشل میڈیا پر وائرل ہو گئیں۔ سفید رنگ کے اس منفرد ہاؤٹ کُوٹور گاؤن پر 7 ہزار سے زائد ہاتھ سے جڑے موتی اور کرسٹل نصب ہیں، جبکہ اس کے ساتھ 40 میٹر طویل سلک ٹافیٹا اوپیرا کیپ شامل ہے۔ فیشن ماہرین کے مطابق اس شاہکار لباس کی مالیت 7 سے 14 کروڑ پاکستانی روپے (تقریباً 2.5 سے 5 لاکھ امریکی ڈالر) تک ہو سکتی ہے۔ یہ لباس 600 گھنٹے سے زائد ہاتھ کی نفیس کاریگری سے تیار کیا گیا اور کانز کے یادگار ترین ریڈ کارپٹ ملبوسات میں شمار کیا جا رہا ہے۔