روسی بندرگاہ نووروسیسک کے قریب یوکرینی ڈرون حملہ، ترک مال بردار جہاز نشانہ بن گیا

نووروسیسک: ترکی کی ملکیت میں موجود پھلوں اور سبزیوں سے لدا ایک کارگو جہاز روس کی بندرگاہ نووروسیسک کے قریب یوکرینی ڈرون حملے کی زد میں آ گیا، جس کے نتیجے میں عملے کے متعدد افراد زخمی ہو گئے۔ یہ واقعہ ایسے وقت میں پیش آیا ہے جب یوکرین روس کی بحیرہ اسود میں واقع بندرگاہوں اور لاجسٹک مراکز پر ڈرون حملے تیز کر رہا ہے۔ حملے کے باعث جہاز کو نقصان پہنچا جبکہ ہنگامی امدادی کارروائیاں فوری طور پر شروع کر دی گئیں۔ ماہرین کے مطابق یہ واقعہ بحیرہ اسود میں تجارتی جہاز رانی کے لیے بڑھتے ہوئے خطرات کی ایک اور مثال ہے۔