روس نے ٹیلیگرام کے بانی پاویل دوروف پر دہشت گردی میں معاونت کا الزام عائد کر دیا

ماسکو: روسی حکام نے ٹیلیگرام کے بانی پاویل دوروف پر مبینہ طور پر دہشت گردی میں معاونت کا مقدمہ درج کرتے ہوئے الزام عائد کیا ہے کہ انہوں نے میسجنگ پلیٹ فارم کو یوکرینی سکیورٹی اداروں اور شدت پسند عناصر کی جانب سے رابطوں اور کارروائیوں کے لیے استعمال ہونے دیا۔ روس۔یوکرین جنگ کے تناظر میں یہ اقدام ماسکو کی جانب سے معروف ٹیکنالوجی شخصیت کے خلاف بڑی قانونی کارروائی قرار دیا جا رہا ہے۔ پاویل دوروف یا ٹیلیگرام کی جانب سے ان الزامات پر تاحال کوئی باضابطہ ردعمل سامنے نہیں آیا، جبکہ ان دعوؤں کی آزادانہ تصدیق بھی نہیں ہو سکی۔