وطن میں فٹبال پر پابندی، افغان خواتین کی ٹیم نے آٹھ ہزار میل دور نئی امید پا لی

لندن / میلبورن: 2021 میں طالبان کی جانب سے افغانستان میں خواتین کے کھیلوں پر پابندی کے بعد جلاوطنی اختیار کرنے والی افغان خواتین فٹبال ٹیم کی کھلاڑی آٹھ ہزار میل دور آسٹریلیا میں دوبارہ ایک ٹیم کی صورت میں اکٹھی ہو گئی ہیں۔ بی بی سی کی رپورٹ کے مطابق ان کھلاڑیوں کے لیے فٹبال صرف ایک کھیل نہیں بلکہ آزادی، شناخت اور امید کی علامت بن چکا ہے۔ طالبان کے اقتدار میں آنے کے بعد متعدد کھلاڑیوں نے ملک چھوڑا اور بیرونِ ملک نئی زندگی شروع کی۔ برسوں کی کوششوں کے بعد فیفا نے 2025 میں جلاوطن افغان خواتین کی ٹیم کو بین الاقوامی مقابلوں میں شرکت کی منظوری دی۔ کھلاڑیوں کا کہنا ہے کہ ان کا ہر میچ ان افغان خواتین کی نمائندگی کرتا ہے جو آج بھی اپنے وطن میں کھیلنے کے حق سے محروم ہیں۔