اسلامی جمہوریہ ایران کے وزیرِ داخلہ سکندر مومنی نے جی ایچ کیو راولپنڈی میں فیلڈ مارشل سید عاصم منیر، چیف آف آرمی سٹاف و چیف آف ڈیفنس فورسز سے ملاقات کی۔
ملاقات میں باہمی دلچسپی، علاقائی و دوطرفہ سلامتی، مؤثر سرحدی انتظام اور سیکیورٹی تعاون پر تبادلۂ خیال کیا گیا۔ ایرانی وزیرِ داخلہ نے خطے میں کشیدگی کم کرنے، سفارتی کردار ادا کرنے اور امن کے فروغ کے لیے پاکستان کی مسلسل کوششوں کو سراہا۔
دونوں رہنماؤں نے علاقائی سلامتی، محفوظ سرحدوں اور مشترکہ خوشحالی کے لیے قریبی رابطوں اور مشترکہ تعاون جاری رکھنے کے عزم کا اعادہ کیا۔
