امریکہ ڈرون حملوں کے لیے تیار نہیں، امریکی جنرل کی وارننگ
امریکہ کو اپنے اندرونی علاقے میں بڑے پیمانے پر ڈرون سوارم حملے کے بڑھتے خطرے کا سامنا ہے۔ نارتھ کوم کے ڈپٹی کمانڈر لیفٹیننٹ جنرل جوزف جیرارڈ نے خبردار کیا ہے کہ امریکی دفاعی نظام فی الحال ایسے حملوں سے مؤثر طور پر نمٹنے کے لیے مکمل طور پر تیار نہیں۔
اُن کے مطابق امریکی فورسز کے پاس ڈرونز کی بروقت نشاندہی کے لیے مطلوبہ سینسرز اور انہیں روکنے کی مناسب صلاحیتیں موجود نہیں۔ یہ صورتحال سستے اور جدید ڈرونز سے پیدا ہونے والے نئے سکیورٹی چیلنج کو نمایاں کرتی ہے۔
