سفارت کاری سے پہلے میزائلوں کی گونج، ٹرمپ، زیلنسکی اور نیتن یاہو ملاقات سے قبل ایران کا طاقت کا مظاہرہ

.بحیرۂ کیسپین واقعے کے بعد ایران کا میزائل طاقت کا بھرپور مظاہرہ

تہران: بحیرۂ کیسپین میں یوکرین کے طویل فاصلے تک مار کرنے والے ڈرونز کی جانب سے ایران اور روس کے درمیان چلنے والے جہازوں کو نشانہ بنانے کی اطلاعات کے بعد خطے میں کشیدگی مزید بڑھ گئی ہے۔ رپورٹس کے مطابق ایک ایرانی جہاز بھی حملے کی زد میں آیا۔ اسی روز ایرانی پاسدارانِ انقلاب (IRGC) نے اپنے خیبر شکن بیلسٹک میزائل کی صلاحیتوں کو اجاگر کرتے ہوئے 2,450 کلومیٹر رینج، 550 کلوگرام وارہیڈ، سالڈ فیول ٹیکنالوجی اور تیز رفتار ہدفی صلاحیت کا دعویٰ کیا۔ یہ پیش رفت ایسے وقت میں سامنے آئی ہے جب صدر وولودیمیر زیلنسکی، امریکی صدر ڈونلڈ ٹرمپ اور اسرائیلی وزیراعظم بنیامین نیتن یاہو کی متوقع ملاقاتوں پر عالمی توجہ مرکوز ہے۔ تاہم ڈرون حملے اور ایران کے میزائل ذخیرے سے متعلق دعوؤں کی آزادانہ تصدیق نہیں ہو سکی۔