سوشل میڈیا کے خطرات، امریکی فوج موبائل فون استعمال پر سخت پابندیوں پر غور میں

واشنگٹن: ایسی رپورٹس سامنے آئی ہیں کہ امریکی فوج اپنے اہلکاروں کے موبائل فون استعمال پر مزید سخت پابندیاں عائد کرنے پر غور کر رہی ہے۔ اطلاعات کے مطابق فوجی حکام کو خدشہ ہے کہ سوشل میڈیا پوسٹس، جیو لوکیشن، تصاویر اور ویڈیوز کے ذریعے فوجی اہلکار غیر ارادی طور پر اپنی پوزیشن، نقل و حرکت اور حساس عسکری معلومات ظاہر کر سکتے ہیں۔ تاہم تاحال اس حوالے سے کوئی باضابطہ پالیسی جاری نہیں کی گئی۔ دفاعی ماہرین کے مطابق جدید جنگوں میں اوپن سورس انٹیلیجنس اور سوشل میڈیا نے عسکری معلومات کے تحفظ کو ایک بڑا چیلنج بنا دیا ہے