وفاقی وزیر احسن اقبال نے اعلان کیا ہے کہ چین ہر سال 3 لاکھ پاکستانی نوجوانوں کو ڈیجیٹل اسکلز کی تربیت فراہم کرے گا۔
ان کے مطابق یہ اقدام پاکستان کی ڈیجیٹل معیشت کو مضبوط بنانے اور نوجوانوں کو مصنوعی ذہانت، سافٹ ویئر ڈویلپمنٹ، جدید ٹیکنالوجی اور ڈیجیٹل مارکیٹ سے متعلق مہارتیں فراہم کرنے کے لیے کیا جا رہا ہے۔
انہوں نے کہا کہ یہ پروگرام پاکستان اور چین کے درمیان تعلیم، جدت، ٹیکنالوجی اور انسانی وسائل کے شعبوں میں بڑھتے ہوئے تعاون کا اہم حصہ ہے۔
